KAL RAAT.................

Kal raat khuda aaya mere khwab me..
Aur bola…
Kya dekha apne yaar me
Jo khuda bnaya use…?
Kya khaasiyat dikhi..jo bhuli mujhe
Aur mujhse pehle bhaithaya use…?
Maine tujhe jiwan diya…
Mere hi kaaran wo tere paas hai..
Fir kyun….mujhe chod palko pe sjaya use?
Ye gustaakhi jo tune ki hai…
Kya kaaran main jaan skta hu…??
Kyun itna apna bnaya use??
Maine hi pyaar ka matlab sikhaya…
Main hi duniya chalaata hu…
Mere hi kaaran tu hai…
Fir kyun tune rab bnaaya use???

Main hasti rhi….chupchaap sab sunti rhi..
Ab baari meri thi bolne ki…
Aur us khuda ki sun-ne ki…
Haste hue maine jawab diyaaaa…
Wah re khuda....tu hi bta galti meri kya hai..jo khuda bnaya use
Gustaakhi meri kya hai jo khuda bnaya use??
Kyun itna achcha bnaya tune use?
Khaasiyat 1 ho to ginaaaun..
Tune jiwan mujhe diya..
Par usne jina sikhaya…..
Hasna rona….jid karna usne sikhaya…
Ik wo paas hota hai..to kaise tujhe yaad karun…
Kaise use chhod tujhe palko pe sajaoon…
Tu hi bta galti meri kya hai jo khuda bnaya use…
Tu beshak duniyaa chalata hoga…
Par meri duniya hi wahi hai…
Isliye apna bnaya use…
Tune pyaar ka matlab sikhaya…
Par pyaar ke dushman b tune hi bnaye…
Usne to bas pyaar se thaama mujhe…
Jb galti karu…to sambhaala hai mujhe…
Tujhe to aaj tk dekha hi nhi…
Tu hai b ya nhi..pta nhi..
Par dekhun use..to ik ajab sa sukoon milta hai….
Ya yun kahun ki mujhe usme tu dikhta hai…
Ab bta galti meri kya hai.. jo khuda bnaya use…
Tu laakh khafa rahe…koi farak nhi…
Uska khafa hona gwara nhi…
Tune dil diya…par dhadkan usne di…
Tu banata hai bigaadta hai…
Par main kya karu agar mujhe usme rab dikhta hai….

Khuda sab sunta rha…
Fir utha….aur mere sir pe hath rkh ke bola…
Sach hi to kaha tune…main to sabko banata hu..bigaadta hu..
Par wo to sirf tera hai….
Shayad isliye tujhe usme rab dikhta hai..
Itna pyaar na sahi par thoda humse b kar lena…
Mera dil bhi pyaar ke liye tarasta hai…
Ab to us din ka intezaar hai…
Jb tu kahegiiii…
E khuda… mujhe tujhme ajay dikhta hai!!!!
Mujhe tujhme ajay dikhta hai!!!