Aayi is duniya me ik roz…
Lekar dil me bahut se sapne, masti aur maujj..
Papa ki bitiya…bhaiya ki behna…
Sab rishtedaaro ka tha kehnaaa…
Ik pyaari gudiyaa thi unhe dikhti..
Lagti thi bahut pyaari jb thi hasti…
Time beet-ta gya…jindagi chalti gyi..
Gudiyaa bhi badi hoti gyi…
Sab ladkiyon ki tarah us ka bhi sapna tha..
Koi us-se itna pyaar kare..jitna kisi ne kisi se na kiya ho…
Koi us ka itna dhyaan rakhe… jitna kisi ne kisi ka na rkha ho…
Ik sehjaada aayega ghode pe hoke sawaar…
Le jayegaaa use 7 samandar paaar…
Jiske chehre ka noor anokha hogaa…
Jiska andaaz alag hogaa…
Pana chahenge sab jise…
Par wo sirf gudiyaa ka teddybear hogaaa…
Kuch aise sapne sajaye… wo har roz dua karti…
Kyunki…
Asal jindagi me dikhne laga tha use wo shehjaada…
Jiske sang wo time bitati thi bahut jyada…
Kehne ko to wo dost tha bahut pyaraa…
Par gudiyaa ke dil me tha pyaar bhara…
Use kho dene ke darr se… uske gussa ho jane ke darr se..
Wo bechari kuch na bol payi…
Bas roz…thi sochti….kaash…..kaashhh….main bol paati…
Dil hi dil me sab kuch maanti thi use…
Sapne sajati thi uske…
Kehti thi band ho jaye yeh aankhen… agar sapna b kisi aur ka dikhe!!!
12 dec…wo pyara din..jb wo teddybear mil gya us gudiyaa ko….
Bahut sambhaal ke rakhti hai wo us ko…
Par aaj bhi us jhalli ko pyaar jatana nhi aata…
sochti bahut hai par batana nhi aata
aaj bhi sochke bhaiti hai…
bataoongee.. apne teddybear ko..
ki baby mujhe nhi pta pyaar kya hota hai…
dusri ladkiyon ki tarah..baaten krni bhi nhi aati..
gussa to meri naak pe rehta hai..
ziddi bahut hoon..har koi kehta hai..
kam samajhti hu…isliye aksar galtiya karti hu..
aapki tarah smart bhi nhi..
intelligent bhi nhi…
par haan…ik baat jarur hai…
aapke dil me ghar banana chahti hu..
aapke apno ko apna banana chahti hu..
apke gamo ko apnakar aapko hasi dena chahti hu..
jisme aapki khushi ho..wo kaam karna chahti hu…
har jagah har mod pe aapka saath dena chahti hu..
aapke liye jaan tk dena chahti hu…
agar ye pyaar hai to haaan main aapse pyaar krti hu..
itna pyaar jitna koi kisi se na krta ho.
Wo maanti hu aapko jo koi kisi ko na manta ho…
Shayad main layak nhi hu aapke…
Par fir bhi ik gujarish krna chahti hu…
Aapke dil me ghar banana chahti hu…
Bhulna ho to…bhul jana humen beshak…
Par apne dil se na nikalana…
Mera tajmahal mujhse naaa chhinnnaaa…
Hum aapke liye hi jite hai…
Jite ji naa maarna…
Ye baaten main roz kehna chahti hu…par keh nhi paati…
Sochti hu…kya sochoge…
Par aaj bataaoongee….ki kaise ye gudiyaa ik teddybear pe marti hai…
Wo hai to…ye gudiyaa hai… nhi to kuch bhi nhi…hai..
Kamaal ki baat to dekho…
Itna soch kar aaj fir gudiyaa gyi us teddy ke paas…sab kehne ko…
Har baar ki tarah kuch naa bol payi…
Kya sochegaa…kya kahegaa…isme uljh kar reh gyi…
Aur bas……I LUV U BAHUT SARA…
Keh kar wapis aa gyi…
Fir waapis aa gyi!!!!