saagar ka kinaraa ho...

sagar ka kinara ho,ek kashti ho aur main hoon, 

saamne ho ek doobta sooraj.. 

kashti me mera meet ho,mera humdum ho.. 

wo saath ho aur tanhaai ho.... 

wo gunguna rha ho.. 

uski baatein uskii ankho se.. 

uski muskurahat se, 

aur shiddat se sunti main hoon, 

saari duniya bhula du us lamhe mein.. 

ik aisa saathi ho.. 

sagar ka kinara ho..ek kashti ho aur main hoon, 

saamne ho ek doobta sooraj.. 

kashti me mera meet ho,mera humdum ho.. 

baarish ke baad......

 

Ho Gayi Rukhsat Ghata Baarish Ke Baad.. 

Ek Diya Jalta Raha Baarish Ke Baad.. 

Mere Behte Hoye Aansoo Ko Dekh Kar.. 

Ro Padi Hawa Baarish Ke Baad.. 

Meri Tanhaayi Ka Daaman Thaam Kar.. 

Kuch Udasi Ne Kaha Baarish Ke Baad.. 

Chaand Dekh Kar Baadlon Ki Qaid Mein.. 

Ek Sitara Ro Diya Baarish Ke Baad.. 

Apni Ghar Ki Har Kachhi Deewar Par.. 

Naam Tera Likh Diya Maine Baarish Ke Baad..

jiye ja rhe hai...

kyu sataye jaa rahe hai, 

har pal tadpaye jaa rahe hai, 

aisa toh kyaa gunaah kar diya, 

k yun hum thukraye jaa rahe hai… 

kisi ne kaha ye achcha, 

kisi ne kaha ye bura, 

jisne jo jaisa kaha, 

hum to wahi kiye jaa rahe hai… 

ab koi shikayat nahi, 

naa hi koi aarzoo hai, 

in kaanto bhari raho mei, 

bas…. Jeeye jaa rahe hai………

kehna chahte hai kuch par alfaz nahi milte, 

Jinhe hum chahate hai unke saath nahi milte, 

Ansoon to sab de jate hai 

Inhe hatane wale haath nahi milte... 

Aksar aisa hi hota hai, 

kehna chahte hai kuch par alfaz nahi milte, 

Jinhe hum chahate hai unke saath nahi milte, 

Kaanton ke sahare sab chor jate hai, 

In kandho ko kisi ke hamdum ke sahare nahi milte, 

Tamam umr beet jati hai kisi apne ki talash mai, 

Phir bhi in anjano mai wo hamare nahi milte... 

Khushiya aati hai pal mai chali jati hai, 

In thame hue gamo ke raaz nahi milte, 

Badal jati hai kismat kisi ke chale jane se, 

Ek bar bichre to daubara wo apne khas nahi milte... 

Aksar aisa hi hota hai, 

kehna chahte hai kuch par alfaz nahi milte, 

Jinhe hum chahate hai unke saath nahi milte...... 

yeh kaam kiya hai.....

bus hamney ek yeh kaam kiya hai 

dil tere naam kiya hai 

tujhey basa ke khawabo mein 

neendo ko tera gulam kiya hai 

tu kali tu phool baag tu 

tujhey khusboo ka naam diya hai 

tu shabnam tu katra sagar tu 

tujhey apni pyaas kiya hai 

tere saath bus mera karvan 

aur tujhey hi manzil kiya hai 

sajda tujhey ibadat teri 

tujhey hi apna khuda kiya hai.

kuch mangoo...???

kuch mangu aaj tumse to kya inkaar karoge... 

Apni zindagi ka ek chota sa lamha mujhe doge...?? 

Us lamhe mein jee lu apni sari zindagi... 

Aur puri kar lu har khwaish adhuri... 

Mahek meri saanso ki teri saanso mein kho jaye... 

Dhadkane meri teri ek ho jaye... 

Mai aur tum k beech ka har faasla mit jaye... 

Mujhme meri koi nishani baaki na reh jaye... 

Maangi hai khudai tmse kya inkaar karoge... 

Apni zindagi ka ek chota sa lamha mujhe doge...??

naa jaaaaaa......

oh humsafar.. oh dilbar...
na ja tanha chodd ke.. barso baad deedar milaa...
na jaa gam ke saaye me chodd ke.. 
dekh lene de jhalak pal bhar aur.. naa jaa muh mod ke..


kaise sambhalu khud ko... kaise... 
kal tak thi jine ki ik wajah ..tera intezaar...
ab kya maalum kb hoga fir milna mere yaar...
kuch nahi samjhu kuch nahi jaanu... 
bas tu naa jaaa... na jaa alvida krke...


aankho se aansu tham-te nahi... 
yaado ka kaarwan aur jod ke.. na jaaa fir se door...
abhi to tere aane ka vishwaas hua tha.. 
dil ko thoda aitbaar hua thaa... 
naaa jaaa krke majboor....


na jaa... naaa jaaa...  naaa jaaa......